Horror në Shtetet e Bashkuara. Një djalë 11-vjeçar ka rrëfyer vrasjen e ish-Kryebashkiakut dhe vajzës së tij.

Gjithçka ndodhi në Minden, një qytet i vogël në Luiziana, ku 11-vjeçari vrau ish-kryebashkiakun 82-vjeçar të qytetit, Joe Cornelius dhe vajzën e tij 31-vjeçare, Keisha Milje.

Kjo u raportua nga shefi i policisë Minden, Jared McIver. Trupat u gjetën në shtëpinë e Cornelius, të mbushur me disa plagë me armë zjarri. Policia tha se fëmija kishte lidhje me viktimat, por nuk dha detaje të tjera mbi marrëdhënien e tyre.

Fqinjët thanë se dëgjuan një debat, ndoshta lidhur me tarifat e kartave të kreditit për video-lojëra dhe më pas disa të shtëna me armë zjarri.

“Tani për tani ne jemi ende duke i bashkuar pjesët e enigmës, ka shumë prova që janë mbledhur,” tha McIver. Armët u gjetën në pronën ku ndodhi krimi. Nuk është e qartë se kush ishin ata dhe si i kishte marrë fëmija. 11-vjeçari tashmë akuzohet për dy akuza për vrasje të shkallës së parë.

Burimi informacionit @BalkanWeb: Lexo me shume ne : Bota Sot News botasot.co