Ashtu siç pritej, trajneri i Interit, Inzaghi ka preferuar të bëjë disa ndryshime në formacionin titullar, për takimin e sotëm ndaj Genoas. Nga minuta e parë e nis Kristjan Asllani, i cili synon që të lërë gjurmë ndaj një rivali të tillë.

Mesfushori kuqezi, sa herë i është dhënë mundësia, ka treguar veten. Ndeshja e tretë radhazi si titullar është një tregues i qartë për rritjen e tij dhe me interes të madh pritet të shihet paraqitja e Asllanit sonte.

Sa i takon rreshtimit, përpara Sommer është vendosur Augusto, De Vrij dhe Pavard. Në mesfushë, përveç shqiptarit, janë Dumfries, Barella, Mkhitaryan dhe Dimarco. Sulmi përbëhët nga Lautaro-Sanchez.

Në krahun tjetër, te Genoa do kërkojnë surprizën, ndaj një kundërshtari që nuk i ka të domosdoshme pikët, pasi Interi kryeson me diferencë të qartë kampionatin. Në portë është Martinez, sakaq prapavija formohet nga Bani, Vasquez dhe Winter. Mesfusha është mjaft e dendur, nuk mungon ish-lojtari i Milanit, Messias. Sabelli, Badelj, Frendrup dhe Martin janë të zgjedhurit për mesfushën. Retegui dhe Gudmundsson kanë një detyrë të vështirë, të çajnë një mbrojtje të fortë si të Interit.

INTER (3-5-2): Sommer; Pavard, De Vrij, Carlos Augusto; Dumfries, Barella, Asllani, Mkhitaryan, Dimarco; Sanchez, Lautaro.

GENOA (3-5-2): Martinez; De Winter, Bani, Vasquez; Sabelli, Messias, Badelj, Frendrup, Martin; Gudmundsson, Retegui.

(J.S/BalkanWeb)

Burimi informacionit @BalkanWeb: Lexo me shume ne : Bota Sot News botasot.co