Në zgjedhjet që po zhvillohen në Rusi ku pritet një fitore tjetër e Vladimir Putin, po shënohet si rrallëherë sulme dhe vandalizëm në disa qendra votimi në të gjithë vendin, në ato që duket të jenë protesta për fitoren në dukje të pashmangshme të Vladimir Putin.

Në videon e mëposhtme, shihet një votues duke djegur një fletë votimi me mbishkrimin “ktheje burrin tim”, me sa duket një referencë për luftën pas pushtimit të Ukrainës. Videoja u shfaq nën një postim nga Mash, një platformë e njohur e lajmeve dixhitale.

Ndërkohë, në rajonin perëndimor të Siberisë të Okrug Autonome Khanty-Mansi, një tjetër video tregonte skenën pasi një grua tentoi t’i vinte flakën një kutie votimi me një koktej molotov.

Gruaja u arrestua, zjarri u shua dhe nuk pati dëme apo viktima, tha komisioni zgjedhor vendor. Stanislav Andreychuk, nga lëvizja për të drejtat e votuesve Golos, i përshkroi zhvillimet si “një tipar i ri i këtyre zgjedhjeve”. Ai tha se kishte raportime nga disa rajone, që votuesit derdhnin bojë në kutitë e votimit dhe kokteje molotov përdoreshin për të shkaktuar dëme.

“Kjo nuk ka ndodhur kurrë më parë dhe kjo është ndoshta pasojë e tensionit dhe agresionit të madh që gjeneroi në shoqëri, për të cilin autoritetet ruse mbajnë përgjegjësi të drejtpërdrejtë,” tha ai. Megjithatë, z. Andreychuk tha se ajo që po bënin protestuesit ishte e gabuar, sepse “ata bëjnë të njëjtën gjë si falsifikuesit nga komisionet – ata privojnë votat e atyre votuesve që kanë votuar tashmë në këto kuti. “Vetëm, ndryshe nga falsifikuesit nga komisionet dhe administratat zgjedhore, ata (vandalët) do të marrin dënime reale (me burg).

Burimi informacionit @BalkanWeb: Lexo me shume ne : Bota Sot News botasot.co