Miratimi i një ligji për statusin e artistit, përgatitja e një ligji të ri për artin në bashkëpunim me komunitetin artistik që adreson artet pamore dhe skenën e pavarur artistike pjesë e cilit duhet te jetë edhe themelimi i Qendrës Kombëtare të Artit dhe krijimi I Qendrës për Hulumtimin e arteve dhe Kulturës, janë tri propozime që vijnë pas një hulumtimi mbi mekanizmat e mbështetjes dhe burimet financiare për artin pamor në Shqipëri hartuar nga Çelik Rruplli dhe Pavjo Gjini.

Hulumtimi ka marrë në shqyrtim të dhënat nga institucionet në vitet 2019-2023 duke dashur të marrë përgjigje për tri pyetje: Cilat janë mekanizmat ekzistues financiar për artin pamor, nga institucionet publike, donatoret dhe institucionet private? Cilat janë nevojat konkrete të artisteve dhe organizatave artistike dhe a ka një hendek mes mekanizmave mbështetës dhe nevojave të komunitetit dhe çfarë mund të bëhet për ta kapërcyer atë? Përgjigjet nuk duken optimiste.

Lënia e skenës së pavarur jashtë skemës së përfitimit gjatë pandemisë, mungesa e transparencës, mungesa e buxheteve, mungesa e thirrjeve të hapura duket të kenë ndikim të drejtpërdrejtë në një vend ku për 3 dekada politikat publike për artin janë ardhur si efekt i zotimeve ndërkombëtare të Shqipërisë, por jo si nevojë e brendshme a kërkesë nga komuniteti.

Burimi informacionit @BalkanWeb: Lexo me shume ne : Bota Sot News botasot.co