Lecce ndali Romën në një barazim pa gola, ku protagonist absolut ishte edhe Ylber Ramadani. Mesfushori kuqezi rezultoi një nga lojtarët me notën me të lartë, pas portierit, i vlerësuar me 6,5: “Lider në mesfushë, shembull në qëndrim, inkurajon dhe ushtron presion pa u kursyer. Shihet edhe përpara”, shkruajnë mediat italiane.

Ndërkohë, në përfundim të sfidës, në një intervistë për DANZ, Ramadani foli rolin e tij te Lecce dhe për grupin në “Euro2024”, ku Shqipëria ndodhet së bashku me Spanjën, Kroacinë dhe Italinë: “Në përfaqësuese luaj së bashku me Bajramin dhe Asllanin, ndërsa me Blin kam më shumë mundësi të shtyj përpara, kur marr topin dua të dal përpara për të shënuar”, u shpreh Ramadani duke komentuar më pas shortin, çfarë ndeshje pret përballë Italisë:

“Do të jetë një ndeshje e veçantë pasi luaj këtu në Itali, ata janë një skuadër e fortë, por ne do të luajmë për të fituar”, theksoi ndër të tjera Ylber Ramadani.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co