Kancelari gjerman Olaf Scholz do të nisë një vizitë tre-ditore në Kinë për bisedime politike me presidentin kinez Xi Jinping dhe kryeministrin Li Qiang , tha zëdhënësi i qeverisë Steffen Hebestreit.

Scholz planifikon të diskutojë gjithashtu luftën e Ukrainës kur të takohet me udhëheqjen kineze më 16 prill, duke përfshirë rolin e mundshëm ndërmjetësues të Pekinit midis Moskës dhe Kievit, tha Hebestreit në një konferencë për shtyp në Berlin.

“Unë besoj se Kina ka ndikim në Rusi dhe dëshira jonë do të ishte që Kina të përdorë ndikimin që ka në Rusi për të kontribuar në një zhvillim më paqësor në konfliktin e Ukrainës,” shtoi ai.

Kina është përpjekur për një kohë të gjatë për të gjetur një zgjidhje paqësore për luftën e Rusisë në Ukrainë, e cila filloi më shumë se dy vjet më parë.

Kina konsiderohet një aleat i ngushtë i Rusisë dhe thekson neutralitetin e saj në konflikt. Vetë Pekini kishte propozuar një plan paqeje.

Ukraina, megjithatë, këmbëngul se duhet të zbatohet vetëm plani i Presidentit Volodymyr Zelensky, i cili kërkon tërheqjen e trupave ruse nga të gjitha zonat e okupuara të Ukrainës. Rusia e kundërshton planin e Zelenskyit si “jorealist”.

Burimi informacionit @BalkanWeb: Lexo me shume ne : Bota Sot News botasot.co