Shtetet e Bashkuara nuk kanë asnjë provë se Izraeli po kryen gjenocid në Gaza ndërsa kryen luftën e tij kundër grupit militant palestinez Hamas, ka thënë sekretari amerikan i Mbrojtjes, Lloyd Austin.

Izraeli i shpalli luftë Hamasit tetorin e kaluar pas një sulmi të papritur dhe vdekjeprurës të organizuar nga grupi militant, në të cilin të paktën 1200 njerëz u vranë dhe më shumë se 200 u morën peng.

Austin, i cili po fliste për buxhetin e Pentagonit për vitin 2025, u ndërpre dy herë nga protestuesit anti-izraelitë të cilët hynë në sallën e dëgjimit në Capitol Hill, duke kërkuar që SHBA të “ndalojë financimin e Izraelit” dhe të mbështesë një “gjenocid” në Gaza.

I pyetur nga senatori Tom Cotton nëse ai pajtohej me pretendimet e protestuesve për gjenocid, Austin tha se nuk ishte dakord.

“Ne nuk kemi asnjë provë të gjenocidit,” u përgjigj Austin. “Unë do t’i kujtoja të gjithëve se ajo që ndodhi më 7 tetor ishte absolutisht e tmerrshme.”

Burimi informacionit @BalkanWeb: Lexo me shume ne : Bota Sot News botasot.co