Shefi i misionit EULEX Giovanni Pietro Barbano ka reaguar pas vrasjeve të fundit të dy grave në Kosovë.

Ai në rrjetin social X ka dënuar ashpër rastet e fundit të vrasjeve të grave, duke thënë se EULEX është i përkushtuar të mbështesë institucionet në luftën kundër këtij fenomeni.

“EULEX dënon ashpër rastet e fundit të femicideve në Kosovë. Si Mision për Sundimin e Ligjit, ne jemi plotësisht të përkushtuar për të mbështetur institucionet vendore në luftën kundër këtij fenomeni të tmerrshëm, ku gratë janë kryesisht viktima”, shkroi ai.

Vrasja në Pejë është rasti i dytë brenda pesë ditësh në Kosovë kur gratë dyshohet se u vranë nga partnerët apo ish-partnerët e tyre.

Më 12 prill, një 21-vjeçare u vra brenda zyrës së Qendrës për Punë Sociale në Ferizaj.

#Eulex strongly condemn recent cases of femicide in Kosovo.

As a Rule of Law Mission, we are fully committed to support local institutions in the fight against the widespread horrifying phenomenon of gender based violence.

— Giovanni Pietro Barbano (@EulexHoM) April 16, 2024

Mediat raportuan se dorasi ishte ish-bashkëshorti i saj.

Ndaj tij, autoritetet kanë shqiptuar masën e paraburgimit prej një muaji. Nga viti 2010 në Kosovë janë vrarë 57 gra.

(Balkanweb)

Burimi informacionit @BalkanWeb: Lexo me shume ne : Bota Sot News botasot.co