Deputetja e PD-së Jorida Tabaku ka zhvilluar një takim me presidentin e Partive Popullore Europiane, Manfred Weber.

Tabaku shprehet se në takimin me Weber ka diskutuar për zgjerimin e BE dhe Shqipërinë.

“Një hap drejt BE do të thotë një Shqipëri më e mirë për të gjithë. E domosdoshme dhe jetike bashkëpunimi i Partisë Demokratike me EPP nën një lidership që mund dhe do e drejtojë Shqipërinë drejt procesit të integrimit”, shprehet Tabaku.

Postimi i deputetes demokrate Jorida Tabaku:

Me presidentin e EPP, Manfred Weber  mbi zgjerimin e BE dhe Shqipërinë. Na duhet të forcojmë më shumë BE duke e zgjeruar atë dhe EPP – European People’s Party  ka qenë realisht një mbështetëse e zgjerimit mbi bazë meritokracinë. Një hap drejt BE do të thotë një Shqipëri më e mirë për të gjithë. E domosdoshme dhe jetike bashkëpunimi i Partisë Demokratike me EPP nën një lidership që mund dhe do e drejtojë Shqipërinë drejt procesit të integrimit.

Një Europë që ndan vizionin e të djathtës së EPP është më e sigurtë dhe më e aftë të përballet me sfidat e sotme. Një Shqipëri që ndan vizionin e djathtë është ajo e vlerave dhe besimit tek aftësitë ndryshuese të njeriut. #BashkimiEuropian #partiademokratike  #EPP

(Balkanweb)

Burimi informacionit @BalkanWeb: Lexo me shume ne : Bota Sot News botasot.co