Një raketë izraelite goditi Iranin, bënë të ditur zyrtarë amerikanë për televizionin amerikan CBS News. Mediat shtetërore iraniane citojnë raporte të pakonfirmuara për shpërthime në provincën qendrore të Isfahanit. Fluturimet janë pezulluar mbi disa qytete, thonë mediat shtetërore. Transmetuesi shtetëror iranian IRIB ka minimizuar raportet për një sulm, duke thënë se Isfahani është “i sigurt dhe pa probleme”. Agjencia iraniane e lajmeve Fars raportoi se tre shpërthime u dëgjuan pranë një baze ushtarake në qytetin qendror të Isfahanit.
Një zyrtar iranian i tha Reuters se nuk kishte sulm me raketa dhe shpërthimet ishin rezultat i aktivizimit të sistemeve të mbrojtjes ajrore të Iranit. Teherani ka qenë në gatishmëri të lartë pasi Izraeli njoftoi se do t’i përgjigjej raketave dhe dronëve iranianë të gjuajtur në Izrael të shtunën mbrëma. Më shumë se 300 dronë dhe raketa u gjuajtën kundër Izraelit nga Irani gjatë sulmit të tij të paprecedentë
🚨🚀🚀 Israel conducted back missile strikes on Iran 🇮🇷 pic.twitter.com/0dM5cN5XCi #Isfahan #BreakingNews #Iran #Israel
— Yusra Kamal (@yusrakamal94) April 19, 2024
Më herët, ministri i Jashtëm i Iranit u zotua përpara Këshillit të Sigurimit të OKB-së se Teherani do ta bënte Izraelin të “pendohej” për çdo sulm ndaj Republikës Islamike.
“Veprimet legjitime të mbrojtjes dhe kundërmasat e Iranit kanë përfunduar, kështu që regjimi terrorist izraelit duhet të ndalojë çdo aventurizëm ushtarak kundër interesave tona,” tha Hossein Amirabdollahian gjatë takimit të SA mbi situatën në Lindjen e Mesme.
“Nëse regjimi izraelit përdor forcën dhe shkel sovranitetin tonë kombëtar, Republika Islamike e Iranit nuk do të ngurrojë për asnjë sekondë të rikthejë të drejtat e saj duke u kundërpërgjigjur me vendosmëri dhe mjaftueshëm për ta bërë këtë regjim të pendohet për veprimet e tij”, shtoi ai.
🚨🇺🇸🇮🇱BREAKING: U.S. CONFIRMS IDF STRIKE IN IRAN
U.S. officials have confirmed to ABC News that Israeli missiles have hit a site in Iran.
3 explosions have been reported in Iran’s Isfahan region, home to critical nuclear facilities recently shut down due to security concerns.… https://t.co/Mpbuy3mwhH pic.twitter.com/31VQDbBMhm
— Mario Nawfal (@MarioNawfal) April 19, 2024
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
