Këngëtarja shqiptare me famë botërore, Rita Ora gjatë një interviste të zhvilluar së fundmi ka treguar se shoqet e saj janë xheloze për marrëdhënien e saj me bashkëshortin, Taika Waititi.

Dy vite më parë çifti kurorëzuan me martesë lidhjen e tyre 1 vjeçare, ndërsa tha se shumë njerëz e kanë telefonuar duke i thënë që janë xhelozë raportin e saj me 48-vjeçarin.

 “Shumë njerëz më kanë telefonuar duke thënë se janë shumë xhelozë për mua për burrin tim. Mendoj se njerëzit xhelozonin nga lumturia jonë, sepse ne qeshim gjatë gjithë kohës”, tha këngëtarja.

Gjithashtu Rita tregoi se u dashurua me Taikën, por nuk i shprehu ndjenjat sepse fillimisht ajo mendoi se regjisori mund ta konsideronte atë një person “shumë të çmendur” për pëlqimin ndaj tij.

 “Nuk do të thosha se ishim të vendosur, por patjetër u takuam përmes një shoku, rastësisht. Ai po bënte zgarë, burrit tim i pëlqen të gatuajë. Gatuan të gjitha llojet e mishrave dhe sallatave, ai është i jashtëzakonshëm në biftekë, kështu që ai kishte një zgarë dhe ne patëm një mik të përbashkët që më ftoi dhe ja ku u takuam”- tregoi Rita.

“Ne u bëmë miq dhe më pas… Unë e adhurova atë, por nuk mendoja se ai kishte pëlqim për mua, kujtova se ai mendonte që isha e çmendur për të”- tha këngëtarja.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co