Është gjetur pa shenja jete një person tek penda e fshatit Livoq i Epërm, në  Gjilan.

Këtë e ka konfirmuar për Telegrafin zëdhënësi i rajonit të Gjilanit, Valon Osmani, i cili ka theksuar se rasti është  në  hetime.

“Më datën 15.06.2024 rreth orës 12:47 Stacioni Policor Gjilan ka pranuar informacion se tek penda e fshatit Livoq i Epërm një person mashkull i moshës madhor në murin e kësaj pende është i shtrirë dhe dyshohet se është pa shenja jete”, ka thënë Osmani.

Ai shtoi se nga mjeku kujdestar është konstatuar se personi është  pa shenja jete.

Osmani tutje njoftoi në vendin e ngjarjes kanë dalë të gjitha njësitet relevante, hetues rajonal, forenzika rajonale, prokurori i shtetit, njësiti i zjarrfikësve dhe ekipi i emergjencës.

“Hetues rajonal në bashkëpunim me prokurorin e shtetit kanë ndërmarrë të gjitha veprimet hetimore në sqarim dhe ndriçim të rrethanave të rastit”, përfundon Osmani.

Burimi informacionit @BalkanWeb: Lexo me shume ne : Bota Sot News botasot.co