![Poeti Agim Doçi shkroi tekstin e këngës së Anjeza Shahinit në Eurosong, Zhulali: Pena e tij arriti majat. Ishte njeri i humorit, por edhe korrekt me të gjithë 2 poeti agim doci shkroi tekstin e kenges se anjeza shahinit ne eurosong zhulali pena e tij arriti majat ishte njeri i humorit por edhe korrekt me te gjithe](https://botasot.co/wp-content/uploads/2024/06/poeti-agim-doci-shkroi-tekstin-e-kenges-se-anjeza-shahinit-ne-eurosong-zhulali-pena-e-tij-arriti-majat-ishte-njeri-i-humorit-por-edhe-korrekt-me-te-gjithe.jpg)
Kompozitori Edmond Zhulali, i ftuar në emisionin Kjo javë në News 24 të moderatores Nisida Tufa, foli për ndarjen nga jeta të poetit Agim Doçi.
Zhulali tha se pena e Agim Doçit arriti majat, duke shkuar deri në Eurosong. Më tej, Zhulali tregoi se Agim Doçi ishte një njeri korrekt me të gjithë.
Kompozitori Edmond Zhulali: Agimi ka qenë në festival dhe ka qenë tepër i suksesshëm, ka marrë dhe çmim të parë. Maja e tij mbetet padyshim përfaqësimi në Eurosong. Kënga e Anjeza Shahinit ishte e jashtëzakonshme. Anjeza dha shpirtin në atë performancë. Audion e realizuam në Bazel të Zvicrës, që na e gjeti Agimi. Eurosong të kërkon 3 muaj përpara se të nisë eventi çdo gjë që ka lidhje me këngën, deri veshjen e këngëtares. Anjeza fillimisht veshi një fustan dhe më pas ndryshoi fustanin, e gjeti Agimi, që ishte më i mirë se ai fillestari. Ishte person që ndihmonte me sa mundej. Ishte historike për ne që arrinim në Eurosong.
[embedded content]
[embedded content]
Agimi bënte humor dhe me këngëtarët. Ai ishte një njeri shumë korrekt, me shokët dhe familjarët e tij. Agimi nuk dinte të kursehej, nuk rezervohej. Ai kishte kurajo të madhe, fjalët e tij ishin të ndërthurrura me patriotizëm. Agimi kritikonte hip hopin, por i thosha që duhet të jesh pak më i kujdesshëm, por ai nuk bënte kompromis. Agimi shpesh ishte avangart për shumë gjëra. Ka qenë shumë i këndshëm, jashtë mase. Ka bërë këngë edhe për fëmijët.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co