Klubi i Interit duhet të ndryshojë strategjinë e merkatos pas lajmeve të fundit që kanë ardhur nga SHBA, ku po zhvillohet Kupa e Amerikës. Tajon Bjukenen, anësori i djathtë i klubit zikaltër, ka pësuar një dëmtim të rëndë në stërvitje me përfaqësuesen e Kanadasë dhe do të mungojë për një periudhë të gjatë.

Bjukenen është dëmtuar gjatë një përplasje në stërvitje, duke pësuar thyerje të tibias në këmbë dhe kështu, do të detyrohet që t’i nënshtrohet një ndërhyrje kirurgjikale.

Kjo do të bëjë që ai të mos jetë në gatishmëri për trajnerin Simone Inzagi nga 4 deri në 6 muaj në varësi të evoluimit të situatës së riaftësimit.

Një goditje e rëndë për zikaltrit që e shihnin atë si anësorin e tyre të ardhshëm dhe ishin përgatitur të shitnin Dumfris.

Por me këtë dëmtim të kanadezit, duket e pamundur që klubi të lejojë holandezin të largohet në merkato, duke ndryshuar plotësisht planet pasi shitja e Dumfris pritej të siguronte të ardhura të rëndësishme për arkat zikaltër.

PANORAMASPORT.AL

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co