Ish-kryeministri Kosovës dhe ish-lideri i UÇK-së, Hashim Thaçi, ka pohuar sot përmes avokatit të tij mbrojtës se nuk ka qenë në Kosovë nga vjeshta e vitit 1998 deri në pranverën e vitit 1999, periudhë në të cilën pretendohet se ai dhe luftëtarë të tjerë kanë kryer shumë prej krimeve për të cilat akuzohen.

Aktakuza e akuzon Thaçin për krime lufte kundër shqiptarëve, serbëve dhe romëve në më shumë se 40 qendra të paraburgimit të UÇK-së në Kosovë dhe Shqipëri, nga marsi 1998 deri në shtator 1999.

Së bashku me Thaçin u akuzuan Kadri Veseli, Rexhep Selimi dhe Jakup Krasniqi. Të gjithë ata ishin anëtarë të Shtabit Kryesor (ShP) të UÇK-së.

Alibia e Thaçit ishte se ai nuk ishte në Kosovë nga nëntori i vitit 1998 deri në mars 1999, ka paraqitur avokati i tij mbrojtës Luka Mišetić në sallën e gjyqit gjatë marrjes në pyetje të dëshmitarit të prokurorisë Bislim Zirapi.

Zirapi, asokohe shef i Shtabit të Përgjithshëm të UÇK-së, ka konfirmuar se në atë kohë nuk e ka parë në Kosovë Thaçin, i cili ishte duke negociuar me diplomatë të huaj jashtë vendit si lider politik i UÇK-së.

Sipas dëshmitarit, Thaçi në atë cilësi nuk ka ndërhyrë në çështjet ushtarake në Kosovë dhe i është përgjigjur drejtpërdrejt komandantit të Shtabit të Përgjithshëm të UÇK-së, Azem Sulja, i cili ndodhej në Shqipëri.

Dëshmitari ka konfirmuar gjithashtu se nuk ka marrë urdhra nga Thaçi

Zirapi dëshmoi më tej se Thaçi në mbledhjen e Asamblesë së Përgjithshme të UÇK-së në mars të vitit 1999, i ka bindur komandantët rajonalë që të pranojnë marrëveshjen e Rambujesë, duke u përcjellë atyre premtimin e Sekretares së Shtetit amerikan Madeleine se NATO do ta bombardonte Serbinë “nëse shqiptarët pranojnë dhe serbët e refuzojnë marrëveshjen”.

Burimi informacionit @BalkanWeb: Lexo me shume ne : Bota Sot News botasot.co