Skerdi Bejzade është trajneri më i ri i Erzenit. Klubi nga Shijaku ka zyrtarizuar teknikun e ri, me anë të një postimi në rrjetet sociale. Në këto kushte, Alfred Deliallisi do të kalojë në rolin e drejtorit sportiv.

“ERZENI prezanton Trajnerin e ri te skuadrës, Z.Skerdi Bejzade. I urojmë sa më shumë suksese dhe rezultate maksimale nën drejtimin e ekipit. ERZENI njofton se Z.Alfred Deliallisi do marrë pozicionin e Drejtorit Sportiv të ekipit. I urojmë suksese Drejtorit të ri në këtë post”, – Shkruan klubi.

Debutimi i Bejzades në pankinën e kësaj skuadre do të vijë me 11 shkurt, në transfertën delikate ndaj Tiranës në kryeqytet. 49-vjeçari vjen pas një eksperience të shkurtër te skuadra e Laçit, ku qëndroi në krye të ekipit 5 ndeshje.

Erzeni renditet në vendin e tetë në kampionat, ku ka grumbulluar vetëm 22 pikë. Synimi i vetëm është dalja nga kjo situatë, për të shmangur kështu dështimin në këtë sezon.

(J.S/BalkanWeb)

Burimi informacionit @BalkanWeb: Lexo me shume ne : Bota Sot News botasot.co