Ndodh në Mitrovicë/ Digjet me molotov lokali ku qëndroi ministri Sveçla dhe bashkëpunëtorët e tij

ndodh ne mitrovice digjet me molotov lokali ku qendroi ministri svecla dhe bashkepunetoret e tij

Pastiçeria “Sharr” në veri të Mitrovicës është sulmuar me koktej molotovi. Ngjarja ka ndodhur në orët e para të së dielës.

Persona të panjohur kanë thyer xhamin në derën e lokalit dhe kanë hedhur koktej molotovi.

Zëvendësdrejtori i Policisë së Kosovës për rajonin e veriut të Mitrovicës, Veton Elshani, shprehet se rreth orës 03:30 ka pasur tentim zjarrvënie në veri të Mitrovicës.

“Dëme të vogla materiale janë shkaktuar. Për momentin nuk kemi të dyshuar”, tha Elshani.

Në të njëjtin lokal kishte qëndruar për pak kohë ministri i Punëve të Brendshme, Xhelal Sveçla me bashkëpunëtorë, gjatë një vizite që kishte bërë në veri të Mitrovicës.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : Bota Sot News botasot.co