Partia Demokratike duket gjithnjë e më e bashkuar. Pas shumë muajsh, deputetët tashmë e kanë gjetur gjuhën e përbashkët, duke u ribashkuar si një opozitë e vetme.
Një nga emrat më të rëndësishëm që kjo opozitë ka është edhe Gaz Bardhi, i cili muajt e fundit është parë gjithnjë e më shumë i angazhuar.
Por, veç angazhimit që ai ka në profilin e deputetit, shumë miqësor duket edhe me bashkëpunëtorët, apo edhe me miqtë e tij. Këtë herë, Bardhi ka mbërritur në Parlament me deputetin Nusret Avdullai, i cili vjen nga radhët e PDIU. Mes PD dhe PDIU ka patur divergjenca politike ne mënyrën se si janë mbajtur aksionet opozitare.
Ajo që ka rënë në sy është fakti se teksa Bardhi ka qenë një hap para, Avdullai ka përfituar nga distanca e shkurtër për të veshur xhaketën. Në nxitim, duke ndjekur hapin e shpejt të kolegut të tij, deputeti i qarkut të Fierit ka nxituar që të veshë xhaketën për të mbërritur në seancë plenare, ashtu siç profili i deputetit e kërkon.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
