![Partizani ia del në Maltë, të kuqtë “fluturojnë” në turin e dytë të Conference League 2 partizani ia del ne malte te kuqte fluturojne ne turin e dyte te conference league](https://botasot.co/wp-content/uploads/2024/07/partizani-ia-del-ne-malte-te-kuqte-fluturojne-ne-turin-e-dyte-te-conference-league.jpg)
Partizani është kualifikuar për në turin e dytë të Conference League. Pas barazimit 1-1 në Shqipëri, kryeqytetasit fituan 1-2 në Maltë, ndaj Marsaxlokk.
Të kuqtë treguan shumë dëshirë në pjesën e parë, duke dominuar totalisht dhe duke zhvendosur kundërshtarin në gjysmëfushën e vet. Në minutën e 27-të, asist perfekt i Rrapajt për Bintsoukan, i cili gjuajti mirë, por vetëm traversa e ndali. Ekipi i Shehit shtoi presionin, Rrapaj “flirtoi” me golin pak më vonë, teksa provoi të zgjidhë vetë ndeshjen, me një goditje nga distanca.
Pjesa e dytë nisi zjarr. Yuri zhbllokoi ndeshjen për vendasit, ndërsa i menjëhershëm ishte reagimi me Carën. Pak më vonë, Bintsouka shpërdoroi një rast të artë, nuk realizoi dot përballë portierit. Goli i Kekos në minutat shtesë solli kualifikim e madh për Partizanin, që e sheh veten në turin e dytë të Conference League.
(J.S/BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co