Policia turke arreston 396 të dyshuar për prodhim dhe trafik droge

Policia turke arrestoi 396 të dyshuar për prodhim dhe trafik droge në disa operacione në të gjithë vendin, tha Ministri i Brendshëm Ali Yerlikaya.

Forcat e sigurisë kapën më shumë se 1.7 tonë lëndë narkotike dhe 1.18 milionë pilula narkotike në bastisjet e kryera në 57 provinca, shkroi Yerlikaya në platformën e mediave sociale X.

Ai shtoi se skuadrat e policisë kanë kryer bastisjen me pjesëmarrjen e gjithsej 2,475 efektivëve, me mbështetjen e tetë mjeteve ajrore dhe 34 qenve detektues narkotikësh.

“Lufta jonë kundër tregtarëve të drogës dhe grupeve të krimit të organizuar që helmojnë popullin tonë do të vazhdojë me vendosmëri me mbështetjen dhe lutjet e kombit tonë,” tha Yerlikaya.

Turqia, e përdorur shpesh nga tregtarët e paligjshëm të drogës si një qendër tranziti, ka shtuar përpjekjet për të goditur kontrabandën e drogës që nga viti i kaluar.

Në qershor, policia turke arrestoi nëntë persona të dyshuar për përfshirje në trafikun ndërkombëtar të drogës dhe sekuestroi 373 kg kokainë, e cila ishte fshehur në një kontejner në portin Gemlik në provincën veriperëndimore të Bursës.

(A.A/BalkanWeb)

Burimi informacionit @BalkanWeb: Lexo me shume ne : Bota Sot News botasot.co