Kombëtarja shqiptare e futbollit do të kthehet në shtator përsëri në fushën e lojës, këtë herë në Ligën e Kombeve, ku kuqezinjtë marrin pjesë në Ligën B, ku mbijetuan ne edicionin e kaluar vetëm për faktin se Rusia nuk mori pjesë dhe ra automatikisht nga vendi i katërt.
Me sa duket, rënia nga kategoria është ajo që parashikohet për edicionin në fjalë, të paktën sipas asaj që parashikojnë ekspertët e statistikave. Sipas 10 mijë simulimeve kompjuterike të “Football Meets Data”, Shqipëria ka më shumë shanse që ta mbyllë në vendin e katërt në Grupin B1 ku merr pjesë përkrah Çekisë, Ukrainës dhe Gjeorgjisë.
![Shqipëria në Ligën e Kombeve, ekspertët e statistikave parashikojnë rënien nga kategoria 2 Gs7nloewqaaetaz](https://botasot.co/wp-content/uploads/2024/07/shqiperia-ne-ligen-e-kombeve-ekspertet-e-statistikave-parashikojne-renien-nga-kategoria.png)
Shanset e Shqipërisë për vendin e parë në grup dhe ngjitjen direkte në Ligën A janë 12%. Ato për vendin e dytë dhe pjesëmarrjen në play-off për ngjitjen ndaj një skuadre të Ligës A janë 20%. 28% janë shanset për vendin e tretë dhe play-off për mbijetesën në Ligën B ndaj një skuadre të Ligës C. Ndërsa shanset për rënien direkte në Ligën C të kuqezinjve janë 41%.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co