Deputeti i Partisë Demokratike Ervin Salianji, u shpreh se PD është gati për garën e zgjedhjeve parlamentare të 2025, madje shtoi se PD është më bashkë sot se sa ishte para zgjedhjeve të 2021.
Salianji u shpreh se PD i ka dyert e hapura për çdo opozitar, duke përjashtuar ish- kreun e PD Lulzim Basha, të cilin e quajti “shqytar të qeverisë”.
“Jemi gati që sot për zgjedhjet. Jemi më të bashkuar se para zgjedhjeve të 2021. Me më pak çarje në kuptimin e krijimit të parive të reja. Në 2021 kanë qenë 4 parti të dalë nga dy nënkryetarë dhe dy deputetë të PD.
[embedded content]
Sot jemi në kushtet ku një ish personalitet i PD, zoti Basha, nuk ka rënë për shkak të ndonjë truku, por për shkak të një përçmimi popullor.
Humbi çdo mundësi të dhënë nga demokratët dhe partnerët. PD i ka dyert e hapura për cilindo, Basha është me qeverinë, ndihmës qeveritarët nuk hyjnë në këtë. Ndihmës qeveritarët kanë punë me qeverinë, qeveria i mban si shqytar”, u shpreh ai.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
