Gjithsej 2o persona kanë humbur jetën brenda 24 orëve në Beni Melal, një qytet në qendër të Marokut, si pasojë e valës së re të të nxehtit që goditi vendin, i cili është në vitin e gjashtë të thatësirës, siç njoftoi sot Ministria e Shëndetësisë.
Drejtoria e Përgjithshme e Meteorologjisë (DPM) kishte paralajmëruar ardhjen e një vale të fortë të nxehti nga e hëna që do të zgjasë deri dje, të mërkurën, në shumë zona, me temperatura që mund të arrijnë deri në 48 gradë Celsius, kryesisht në Beni Melal.
“Shumica e vdekjeve janë persona që kanë vuajtur nga sëmundje kronike dhe të moshuar, me temperatura të larta që kontribuojnë në përkeqësimin e gjendjes së tyre shëndetësore dhe çojnë në vdekjen e tyre”, thuhet në njoftimin e Drejtorisë Rajonale të Shëndetësisë.
Maroku regjistroi nxehtësi rekord këtë dimër, me janarin që është muaji më i ngrohtë i regjistruar që nga viti 1940 (duke arritur pothuajse 37 gradë Celsius në disa vende), sipas DGM.
Rritja e temperaturave kërcënon sektorin bujqësor, i cili është kyç për ekonominë kombëtare dhe rezervat e ujit në diga. Avullimi i ujit ka arritur në një milion e gjysmë metër kub në ditë, tha në fund të qershorit ministri i burimeve ujore, Nizar Baraka.
Rekordi kombëtar për temperaturën më të lartë u regjistrua në gusht 2023 në Agadir (në jug) me 50.4 gradë Celsius.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
