Ish-banorja e Big-Brother Vip2, Olta Gixhari, së fundmi ka ndarë disa postime në rrjetin Instagram ku ekspozon linjat e saj trupore.
Në përshkrimin e kësaj fotoje, aktorja shkruan: “Shumë macchiato kam pirë këto kohë”. Batutë e cila është keqkuptuar nga ndjekësit të cilët kanë kaluar në fyerje në komentet që kanë bërë poshtë postimit.
Të tilla kanë qenë komentet që thonin: “Je duke ngatërruar sensualitetin me vulgaritetin. Nuk të kane hije këto foto. Kur të hapësh profil onlyfans atëhere vendosim të të shikojmë apo jo. Sa derdimen e paske burrin, nëqoftë se e ke akoma,’ ‘Emm..unfollow tani!’ ‘Të kisha për më të zgjuar!,’ ‘Po më vjen shume keq që po më shikojnë sytë një grua 38 vjecare me dy femijë, të shkojë gruaja të dali lakuriq vetëm për të marrë famë kjo është e turpshme sepse nuk vendoset fama përpara femijës për mua është turp i madh”.
Aktorja thotë se përshkrimi ishte në kontekstin e autoironisë, për të cilën ajo shtoi se nuk kanë arritur ta kuptojnë as banorët e BBV në 100 ditë izolim.
Ajo u shpreh se e gjitha ka qenë në kontekstin e batutës pasi ajo kurrë nuk do ta përshkruante apo trajtonte veten si lopë dhe se i përgëzon nënat që ushqejnë të vegjlit e tyre me gji.
“Po marr shkas të bëj këtë video sepse kam lexuar disa nga komentet e disa grave, disa nënave që nuk më kanë pëlqyer aspak. Unë nuk kam qejf fare të shpjegoj batutën, se batuta po u shpjegua ç’u pa puna. Megjithatë vura re që fjalia që kam përdorur te fotot e fundit që kam postuar, që kam pirë shumë makiato këtë periudhë, një pjesë e mirë e juaja e kanë keqkuptuar. Sigurisht që nuk më çudit fare kjo gjë sepse autoironinë time disa prej jush nuk e kuptuan 100 ditë, nuk kanë si t’a kuptojnë në një fjali të vetme,”-tha Olta
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
