Tashmë mund të thuhet edhe zyrtarisht se sulmuesi brazilian Endrik është pjesë e Real Madrid. Djaloshi, i cili kishte akordin me madrilenët prej kohësh por nuk prezantohej pa u bërë 18-vjeçar, është prezantuar sot nga presidenti Florentino Perez pasi ka hedhur firmën në kontratën e tij që e lidh me “los blancos” për 6 vitet e ardhshme.
Vetë Endrik ishte shumë i emocionuar teksa fliste para publikut dhe kur në stadium nisën ovacionet për të, ai nuk i mbajti dot lotët, ashtu si edhe familja e tij e ulur në rreshtin e parë apo edhe e dashura e tij modele që e shoqëron kudo.
“Të them të drejtën nuk e prisja të gjithë këtë”, tha djaloshi duke iu dridhur zëri, dukshëm i emocionuar nga fakti që tani ishte pjesë e një skuadre si Real Madrid. Gjatë prezantimit është bërë e ditur se tashmë në klub ai do të mbajë fanellën me numrin 16.
Burimi informacionit @Panorama.al: Lexo me shume ne :bota sot www.botasot.co
