Presidenti ukrainas Volodymyr Zelensky përsëriti qëllimin e tij për të krijuar një plan veprimi për të arritur paqen deri në fund të nëntorit. Udhëheqësi ukrainas shpjegoi se ka pasur propozime jozyrtare për të ngrirë konfliktin, por se Kievi nuk mund t’i përgjigjet thirrjeve për armëpushim, ndërsa Rusia vazhdon të pushtojë territorin e saj.

E për rrugën për përfundimin e luftës, ai nënvizoi se detyrën ia ka besuar administratës presidenciale dhe grupeve diplomatike. Plani do të përfundojë në fund të nëntorit. Presidenti tha se Kievi do të hyjë në diskutime të hollësishme me vendet e interesuara për integritetin territorial dhe çështje të tjera.

Më 15 korrikun e kaluar, Zelensky shprehu qëllimin e Ukrainës për të pasur një plan gati në nëntor që Kievi të mbajë një samit të dytë ndërkombëtar mbi vizionin e tij për paqen në Ukrainë, duke shpjeguar se përfaqësuesit e Rusisë duhet të marrin pjesë gjithashtu në samitin, i cili do të pasonte samitin e parë në të cilin Moska nuk ishte e ftuar. “I kam vënë vetes synimin që të kem një plan plotësisht të gatshëm në nëntor”, tha Zelensky në një konferencë shtypi në Kiev me atë rast. “Dhe unë mendoj se përfaqësuesit e Rusisë duhet të jenë në samitin e dytë.”, tha ai.
(BalkanWeb)

Burimi informacionit @BalkanWeb: Lexo me shume ne : Bota Sot News botasot.co