Lojërat Olimpike “Paris 2024″/ Ja renditja e shteteve sipas medaljeve të fituara deri më tani (FOTO)

Po zhvillohet dita e 3-të e Lojërave Olimpike në Paris. Sa i përket medaljeve, Australia ka dominuar në garat e notit dhe udhëheq renditjen medaljeve me pesë të tilla duke mbajtur provizorisht vendin e parë, pasi ka fituar tri të arta dhe dy të argjendta.

Në vendin e dytë vjen Kina me dy të arta dhe një të bronztë. SHBA-të mbajnë vendin e tretë me pesë medalje: një të artë, dy të argjendta dhe dy të bronzta. Medalje të arta deri më tani kanë fituar edhe Franca, Belgjika, Japonia, Kazakistani, Gjermania dhe Hong Kongu.