![Merkato/ Todibo mund të konsiderohet një lojtar i Juventusit, Nicë dhe klubi torinez drejt mbylljes së marrëveshjes 2 merkato todibo mund te konsiderohet nje lojtar i juventusit nice dhe klubi torinez drejt mbylljes se marreveshjes](https://botasot.co/wp-content/uploads/2024/07/merkato-todibo-mund-te-konsiderohet-nje-lojtar-i-juventusit-nice-dhe-klubi-torinez-drejt-mbylljes-se-marreveshjes.jpg)
Jean-Claire Todibo duket se do të jetë futbollisti i radhës që do t’i bashkohet Juventusit. Agjenti i mbrojtësit francez mbërriti në Torino të shtunën dhe pati takim me drejtuesit e lartë të bardhezinjve, duke çuar edhe më tej negociatat.
Palët nuk kanë preferuar të japin detaje mbi ecurinë e negociatave, por vendimi i Nice për të mos grumbulluar mbrojtësin për miqësoren e radhës, është një tregues i qartë që shumë shpejt mund të ketë tym të mardhë.
Todibo duket se është i përzgjedhuri i Thiago Mottës për të kompletuar repartin defensiv dhe Giuntoli është i vendosur t’ia plotësojë sa më shpejt dëshirën, për t’u përqendruar më pas te objektivat e tjerë, në mesfushë e sulm, aty ku synohen Koopmeiners dhe Sancho.
Për kartonin e Todibo Juventus ka treguar gatishmërinë të paguajë deri në 30 milionë euro, shifër të cilës mund t’i shtojë edhe një bonus prej 2-3 milionë eurosh, para këto mjaft të vlefshme për Nice, që nuk mund të arkëtojë të gjithë shumën vetë, pasi 20% e vlerës së kartonit është në pronësi të Barcelonës
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co