![Treni doli nga shinat në Rusi, rreth 100 të plagosur 2 treni doli nga shinat ne rusi rreth 100 te plagosur](https://botasot.co/wp-content/uploads/2024/07/treni-doli-nga-shinat-ne-rusi-rreth-100-te-plagosur.webp)
Rreth 100 njerëz dyshohet se janë lënduar të hënën, kur një tren me pasagjerë ka dalë nga shinat në rajonin e Rusisë jugore, Volgograd, raportuan agjencitë e lajmeve ruse.
Agjencia e lajmeve “Interfax” ka raportuar se tetë vagonë dolën nga shinat.
Ministria e Emergjencës ka bërë të ditur se ekipet mjekësore janë në vendngjarje, duke shtuar se janë angazhuar edhe 324 punonjës të emergjencës.
Helikopterët e emergjencës u nisën në ngjarje afër stacionit “Kotelnikovo”. Treni po udhëtonte nga Kazani në Adler në Detin e Zi.
Një video e paverifikuar në Telegram tregon së paku katër vagonë të dalë nga shinat, disa të rrotulluar, me njerëz që dilnin prej tyre.
Agjencia e lajmeve, TASS, ka cituar burime të paidentifikuara nga zbatuesit rusë të ligjit, që thoshte se 20 njerëz janë lënduar nga goditja e trenit me një kamion “Kamaz”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co