![“Gojë me qime që s’pushojnë së thëni u ‘zbraz’ Shqipëria”- Rama nxjerr shifrat: Nga aeroporti kanë hyrë 1.2 milionë pasagjerë! Kush thotë se qytetarët e Kosovës në kanë braktisur…. 2 goje me qime qe spushojne se theni u zbraz shqiperia rama nxjerr shifrat nga aeroporti kane hyre 1 2 milione pasagjere kush thote se qytetaret e kosoves](https://botasot.co/wp-content/uploads/2024/08/goje-me-qime-qe-spushojne-se-theni-u-zbraz-shqiperia-rama-nxjerr-shifrat-nga-aeroporti-kane-hyre-1-2-milione-pasagjere-kush-thote-se-qytetaret-e-kosoves.jpg)
Kryeministri Edi Rama ka dalë me një videomesazh nga Dhërmiu ku edhe po kalon pushimet verore, për të publikuar shifrat e hyrjeve në Shqipëri dhe për t’iu përgjigjur të gjithë kritikëve që thonë se nuk në vendin tonë nuk ka turistë.
Kreu i qeverisë thotë se nga aeroporti i Rinasit kanë hyrë pothuajse 1 milionë e 200 mijë pasagjerë, mbi 350 mijë më shumë se vjet. Madje, sipas tij këtë korrik është thyer edhe një rekord tjetër, ai i hyrjeve në një ditë të vetme, 44 mijë pasagjerë.
Sa i takon aludimeve se vendin e kanë braktisur edhe shqiptarët e Kosovës, Rama përsëri nxori shifrat, duke thënë se kjo është një teori dashakeqëse.
“Mbrëmë mora të dhënat e hyrjeve në Shqipëri nga aeroporti Nënë Tereza dhe nga hyrjet në Morinë. Nga aeroporti kanë hyrë pothuajse 1 milionë e 200 mijë pasagjerë, mbi 350 mijë më shumë se vjet. Madje këtë korrik është thyer edhe një rekord tjetër, ai i hyrjeve në një ditë të vetme, 44 mijë. Aeroporti ka arritur të operoje deri në 252 fluturime në ciklin e 24 orëve, një volum marramendëse dhe i paimagjinueshëm deri para ca vitesh.
Për shifrat e aeroportit nuk mund të thonë dot gjë as ato gojët me qime që nuk pushojnë u zbraz Shqipëria edhe nga shqiptarët edhe nga turistët.
Aeroporti i Tiranës po mbush vitin në krye të klasifikimit evropian për rritjen relative me vitet paraardhëse. Tirana e ka spastruar në vendin e dytë aeroportin e Beogradit, i cili ka qenë i pari në rajon.
Edhe shifrat e hyrjeve në Morinë, që i tregon regjistri elektronik i pagesës së autostradës ku mund të lexohet cdo hyrje, tregojnë se gjatë këtij viti kanë hyrë 175 mijë makina më shumë se vjet, ndërsa në korrik, 3 mijë më shumë se vjet.
Pra edhe ajo teoria keqdashëse e përhapur në këtë sezon se shqiptarët e Kosovës e kanë braktisur Shqipërinë është një zero më xhufka”, tha Rama.
Kryeministri i konsideroi të gjithë kritikët që mendojnë se në Shqipëri nuk ka turiste si një sy i keq. “Tamam si ato hudhrat që e mbrojnë vendin nga syri i keq”, u shpreh Rama, i cili theksoi se po mbajnë shënime nga ky sezon, për të nxjerrë mësime.
DEKLARATA E PLOTE
Ca ditë pushim, si gjithnjë prej 10 vjet këtu në Dhërmiun magjik. Mbrëmë mora të dhënat e hyrjeve në Shqipëri vetëm nga aeroporti Nënë Tereza dhe kufiri i Morinës edhe mu duk e udhës që ti ndaj me ju. Nga aeroporti kanë hyrë thuajse 1 milionë e 200 mijë pasagjerë. E dini sa më shumë se sa vjet? Mbi 350 mijë më shumë. Madje këtë korrik është thyer edhe një rekord tjetër, ai i hyrjeve në një ditë të vetme: 44 mijë! Aeroporti ka arritur të operojë deri në 252 fluturime në ciklin e 24 orëve, një volum marramendës dhe i paimagjinueshëm deri pak vite më parë.
Fatmirësisht për shifrat e aeroportit nuk mund të thonë dot gjë as ato gojët me qime të atyre që nuk pushojnë u zbraz Shqipëria, edhe nga shqiptarët tani, edhe nga turistët, sepse aeroporti i Tiranës po mbush vitin në krye të klasifikimit Europian për rritjen relative me vitet paraardhëse. Ndërsa në vlerë absolute, numër pasagjerësh për numër pasagjerësh, Tirana e ka spostuar në vendin e dytë aeroportin e Beogradit, i cili historikisht ka qenë i pari dhe absolut në këtë rajon. Po edhe shifrat e hyrjeve në Morinë, që i tregon regjistri elektronik i pagesës së autostradës, ku mund lexohet çdo hyrje tregojnë se këtë vit kanë hyrë 175 mijë automjete më shumë se sa vjet, ndërsa në korrik 3 mijë më shumë, se korrikun e shkuar. Pra edhe ajo teoria keqdashëse e përhapur këtë sezon me teori të tjetra për shqiptarët e Kosovës që e paskan braktisur Shqipërinë, është një zero me xhufka.
Nga ana tjetër janë shifrat e të ardhurat e të ardhurave nga doganat e tatimet që edhe ato janë me rritje krahasuar me vjet, pikërisht sepse ka një rritje të konsiderueshme konsumatorësh krahasuar me vjet. Më shumë njerëz që shpenzojnë këtu në Shqipëri. Është e habitshme se sa të pamundur e ka një pjesë e jona t’i gëzohet suksesit të Shqipërisë, po kjo dihet. Megjithatë shyqyr që është një pjesë që zvogëlohet krahasimisht me Shqipërinë që rritet e forcohet. Madje jo vetëm kaq, po për disa është për të thënë shyqyr që i kemi, tamam si atë hudhrat në dyert e shtëpive, që e mbrojnë vendin nga syri i keq.
Pushime të mbara dhe askush mos të mendojë se nuk po mbajmë shënime për të nxjerrë mësime nga ky sezon që është shumë i mbarë mbarë, e për të korrigjuar dhe gabime për të adresuar që në sezonin e ardhshëm të kemi edhe më shumë mbarësi, po edhe më shumë cilësi, sepse maja e Shqipërisë 2030 është një objektiv strategjik, është gjithmonë e më afër, po për ta arritur është një sfidë që duhet përballur me shumë mund, me shumë vullnet, me shumë durim, po mbi të gjithë më një bindje absolute se Shqipëria do të jetë kampionia e padiskutueshme e turizmit dhe jo vetëm e turizmit në këtë rajonin tonë.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co