![Arrestohet për tentativë vrasjeje 44-vjeçari shqiptar 2 arrestohet per tentative vrasjeje 44 vjecari shqiptar](https://botasot.co/wp-content/uploads/2024/08/arrestohet-per-tentative-vrasjeje-44-vjecari-shqiptar.jpg)
Një 44-vjeçar shqiptar u arrestua nga policia italiane pasi dyshohet se qëlloi me thikë një bashkëatdhetarin e tij pas një debati që pati mes tyre.
Ngjarja ka ndodhur në Fossanais, ndërsa i plagosuri kishte marrë plagë në trup, pasi ishte goditur me thikë. Ai u arrestua me akuzën e tentativës së vrasjes.
Informacionet paraprake të mbledhura nga dëshmitarët okularë kanë lejuar ushtarakët të rindërtojnë shpejt dinamikën e ngjarjes. Autori i dyshuar pas një debati që kishte me shqiptarin tjetër, u largua, për tu rikthyer sërish në lokal, por këtë herë i armatosur me një thikë. Ai qëlloi në stomak personin e plagosur dhe më pas u largua me automjetin e tij.
Kur shkoi në vendin e ngjarjes, policia gjeti personin e plagosur të ulur në një karrige, ndërsa tentonte të ndalonte gjakderdhjen.
Autori i dyshuar u kap disa minuta pas ngjarjes, ndërsa në automjetin e tij, u gjet jo vetëm thika me shenjat e gjakut, por edhe dy thika të tjera.
44-vjeçari shqiptar mësohet se ka precedentë të mëparshëm penalë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co