![Krimi në familje në Konispol, zbardhet identiteti i viktimës dhe autorit (EMRAT) 2 krimi ne familje ne konispol zbardhet identiteti i viktimes dhe autorit emrat](https://botasot.co/wp-content/uploads/2024/08/krimi-ne-familje-ne-konispol-zbardhet-identiteti-i-viktimes-dhe-autorit-emrat.jpg)
Zbardhen identitetet e personave të përfshirë në ngjarjen e rëndë në Konispol. Burime zyrtare për BalkanWeb bëjnë me dije se Huso Islamaj dyshohet se ka vrarë me mjet prerës (sëpatë), bashkëshorten e tij Shano Islamaj.
Pas ngjarjes, në konflikt është përfshirë dhe djali i tyre, Klement Islamaj, i cili dyshohet se ka shtyrë nga shkallët, babanë e tij, i cili si pasojë ka humbur jetën.
Sarandë/Informacion paraprak
Rreth orës 07:00, në fshatin Shalës, Konispol, dyshohet se gjatë një konflikti për motive të dobëta, në banesë, shtetasi H. I., 69 vjeç, ka vrarë me mjet prerës (dyshohet sëpatë) bashkëshorten e tij, shtetasen Sh. I., 66 vjeçe.
Më pas, shtetasi H. I. dyshohet se është konfliktuar me djalin e tij, shtetasin K. I., rreth 40 vjeç, i cili e ka shtyrë shtetasin H. I. nga shkallët e banesës. Si pasojë e dëmtimeve, shtetasi H. I. ka humbur jetën në vendngjarje.
Shërbimet e Stacionit të Policisë Konispol, pas njoftimit të marrë, kanë shkuar menjëherë në vendngjarje ku kanë bërë të mundur kapjen dhe shoqërimin në ambientet e Policisë të autorit të dyshuar, shtetasit K. I.
Grupi hetimor ndodhet në vendngjarje dhe, nën drejtimin e Prokurorisë, po punon për sqarimin e plotë të rrethanave të ngjarjes.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co