![Krimi me dy të vdekur në familjen në Konispol, a ka gisht djali në vrasjen e prindërve? Policia heton pistën. Trupat ende në vendngjarje 2 krimi me dy te vdekur ne familjen ne konispol a ka gisht djali ne vrasjen e prinderve policia heton pisten trupat ende ne vendngjarje](https://botasot.co/wp-content/uploads/2024/08/krimi-me-dy-te-vdekur-ne-familjen-ne-konispol-a-ka-gisht-djali-ne-vrasjen-e-prinderve-policia-heton-pisten-trupat-ende-ne-vendngjarje.jpg)
Zbardhen të tjera detaje rreth krimit të rëndë, me dy të vdekur në Konispol.
Ngjarja ndodhi rreth orës 07:00, në fshatin Shalës. Gazetarja Shpresa Dine raporton për BalkanWeb se pavarësisht dyshimeve të para, ku u tha se Huso Islamaj vrau gruan e tij me sëpatë, shtetasen Shano Islamaj, dhë pas konfliktit me djalin e tij, u rrëzua nga shkallët dhe për pasojë humbi jetën, policia hedh dyshime dhe për një tjetër version. Duke iu referuar burimeve hetimore, policia po heton dhe djalin e cciftit, shtetasin Klement Islamaj, pasi nuk përjashtohet që mund t’i ketë vrarë prindërit.
E moshuara, sipas policisë, humbi jetën nga goditja më sëpatë, ndërsa 69-vjeçari pas rrëzimit nga shkallët. Aktualisht, trupat e pajetë të burrë e grua ndodhen ende në vendin e ngjarjes, ndërsa nuk janë transportuar në morgun e spitalit të Sarandës. Sakaq, 40-vjeçari, i cili jetonte bashkë me prindërit, gruan dhe dy fëmijët e tyre, aktualisht është shoqëruar në polici dhe po merret në pyetje, mbi detajet e ngjarjes.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co