![Riaktivizohet zjarri në masivin pyjor të Tërnovës, forcat e ushtrisë ndërhyjnë për shuarjen e flakëve 2 riaktivizohet zjarri ne masivin pyjor te ternoves forcat e ushtrise nderhyjne per shuarjen e flakeve](https://botasot.co/wp-content/uploads/2024/08/riaktivizohet-zjarri-ne-masivin-pyjor-te-ternoves-forcat-e-ushtrise-nderhyjne-per-shuarjen-e-flakeve.jpg)
Zjarri i aktivizuar që prej ditës së dielë në masivin pyjor të Tërnovës, në Bashkinë Bulqizë, është vënë nën kontroll të hënën. Por këtë të martë, në orët e mesditës vatrat e zjarrit janë riaktivizuar, të ndihmuara edhe nga era që fryn. Rreth 10 ha pishë e ah janë djegur.
Flakët janë drejtuar drejt kurorës së gjelbër të liqenit të Zi, e vetmja kurorë e paprekur në këtë zonë. Në terren kanë shkuar sërish për shuarjen e zjarrit rreth 60 forca e mjete të Shërbimit Pyjor, të Shërbimit Zjarrfikës dhe të aparatit bashkiak Bulqizë.
Atyre u janë bashkuar rreth 100 forca të ushtrisë nga Burreli dhe Tirana, që po luftojnë me flakët prej tre ditësh. Si rezultat është bërë e mundur shuarja e 2 vatrave të zjarrit për të mbrojtur kurorën e Liqenit të Zi nga toka. Puna vijon me goditje të përqendruar për shuarjen edhe të 2 vatrave të tjera që janë ende aktive.
Deri tani zjarri ka djegur më shumë se 10 hektarë me pishë shekullore dhe ah.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co