![“Ka përfituar miliona lekë nga buxheti i shtetit me 9 kompanitë e tij private”/ PD kërkon t’i hiqet mandati deputetit Vullnet Sina: Kuvendi ta çojë në Kushtetuese 2 ka perfituar miliona leke nga buxheti i shtetit me 9 kompanite e tij private pd kerkon ti hiqet mandati deputetit vullnet sina kuvendi ta coje ne kushtetuese](https://botasot.co/wp-content/uploads/2024/08/ka-perfituar-miliona-leke-nga-buxheti-i-shtetit-me-9-kompanite-e-tij-private-pd-kerkon-ti-hiqet-mandati-deputetit-vullnet-sina-kuvendi-ta-coje-ne-kushtetuese.jpg)
Grupi Parlamentar i Partisë Demokratike, do t’i kërkojë Kuvendit të dërgojë në Gjykatën Kushtetuese mandatin e deputetit socialist Vullnet Sina.
Në një njoftim të shpërndarë për mediat, PD pretendon se nga verifikimi i të dhënave të thesarit të shtetit, rezulton se deputeti Sina në kundërshtim flagrant me nenin 70, pika 3 e Kushtetutës, ka përfituar të ardhura nga Buxheti i Shtetit, në vlerë disa milion lekë, përmes 9 kompanive të tij private, gjatë periudhës ku ushtron edhe mandatin e deputetit.
“Deputeti Vullnet Sina i shpallur si “deputet kampion” nga Edi Rama në Kongresin e fundit të Partisë Socialiste, rezulton se qënka kampion në përfitimin e parave publike në kundërshtim flagrant me Kushtetutën.
Mocioni, së bashku me të gjitha provat që kompanitë e tij kanë përfituar pagesa miliona lekshe, në mënyrë të vijueshme nga Buxheti i Shtetit, është duke u përgatitur dhe do të dorëzohet gjatë kësaj jave zyrtarisht në Kuvend“, thuhet në njoftimin e PD
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co