Pas deklaratave të Noizyt dhe Stresit, lidhur me ngjarjen në Pejë, ku dy reperët akuzohen se kanë dhunuar Medi Isenin, një personazh i njohur në TikTok, ka reaguar dhe Bahtjar Bajraktari, i njohur me emrin e artit si Dj Crax, i cili është shpallur në kërkim nga Policia e Kosovës, bashkë me Noizy-n.
Përmes një reagimi në rrjetet sociale, Bajraktari shprehet se nuk është kriminel që policia ta shpallë në kërkim, ndërsa shton se nuk i fshihet drejtësisë.
“Por kjo që po ndodh është shumë e padrejtë, ndaj meje dhe ndaj shokut tim. Vij nga një familje dëshmorësh, fisnike dhe me traditë shqiptare dhe ndihem i turpëruar për gjithë këtë ngjarje”, shkruan ai.
Më tej ai shprehet se shpreson që organet e drejtësisë të bëjnë punën e duhur dhe që çdo gjë do vij në vendin e vet.
Ndër të tjera, Dj Crack shkruan se ai dhe Noizy nuk kanë lënë vend për dhunë në asnjë moment.
“Ne nuk kemi lenë vend për dhunë në asnjë moment, jo sot po as dje e as nesër, puna jonë ka qenë dhe do jetë e pastër duke mos e ngacmuar asnjë dhe mbi të gjitha, duke iu shmang problemeve gjithë kohës”, shkruan ai në rrjetet sociale.
Reagimi i plotë
I kërkoj ndjesë familjarëve, miqve dhe dashamirësve për rastin e fundit. Unë nuk jam kriminel mem shpall n ‘kërkim as nuk i largohem drejtësisë po kjo qe po ndodh edhe shumë e padrejte, ndaj meje dhe ndaj shokut tim. Vi nga një familje dëshmorësh, fisnike dhe me tradite SHQIPETARE dhe ndihem i turpëruar për gjithë ketë ngjarje. Uroj qe organet e drejtësisë të bëjnë punën e duhur dhe nuk dyshoj qe çdo gjë do bij në vendin e vet. Ne nuk kemi len vend për dhunë në asnjë moment jo sot po as dje e as nesër, puna jon ka qen dhe do jetë e pastër duke mos e ngacmu asnjë dhe mbi të gjitha duke ju shmang problemeve gjithë kohës. Edhe njëherë i kërkoj falje posaçërisht familjes time të gjerë dhe ju premtoj që çdo gjë do jetë në dorën e drejtësisë. Faleminderit për mbështetjen dhe respekt për të gjithë.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
