Një polak është shpallur fajtor pasi goditi me grusht kryeministren daneze Mette Frederiksen. Gjykata në kryeqytetin Kopenhagë e dënoi polakun me katër muaj burgim, dëbim dhe ndalim të hyrjes në Danimarkë për pesë vjet, shkruan BBC.

39-vjeçari, emri i të cilit nuk është bërë i ditur, i tha gjykatës të martën se kishte pirë shumë alkool “për të kujtuar atë që ndodhi”.

Frederiksen pësoi lëndime të lehta kur u godit me grusht në shpatull në një shesh të Kopenhagës në qershor.

Përveç akuzës për dhunë ndaj një nëpunësi publik, burri u shpall fajtor edhe për disa akuza për mashtrim dhe ekspozim të pahijshëm në lidhje me incidente të tjera.

Pas vuajtjes së dënimit me burg, ai do të deportohet. Do të paguajë edhe shpenzimet gjyqësore.

I pandehuri ishte deklaruar i pafajshëm për akuzën për sulm, por fajtor për disa nga akuzat e tjera.

46-vjeçarja është lidere e Social Demokratëve, partia më e madhe në koalicionin qeverisës të Danimarkës dhe u bë kryeministrja më e re e vendit kur mori detyrën në vitin 2019.

Burimi informacionit @BalkanWeb: Lexo me shume ne : Bota Sot News botasot.co