Këtë e ka konfirmuar drejtori i Departamentit të Laboratorëve Mjeko-Ligjor në Institutin e Mjekësisë Ligjore, Agron Thaqi.
![Mbërriti në Kosovë mëngjesin e sotëm, Instituti i Mjekësisë Ligjore e konfirmon: Trupi i pajetë është i Faton Hajrizit 2 34444](https://botasot.co/wp-content/uploads/2024/08/mberriti-ne-kosove-mengjesin-e-sotem-instituti-i-mjekesise-ligjore-e-konfirmon-trupi-i-pajete-eshte-i-faton-hajrizit.jpg)
Drejtori i Departamentit të Laboratorëve Mjeko-Ligjor në Institutin e Mjekësisë Ligjore, Agron Thaqi, ka thënë se trupi i Faton Hajrizit tanimë është identifikuar edhe nga familjarët e tij.
“Mbrëmë rreth orës 1 është pranuar trupi i pajetë, i cili është i Faton Hajrizit. Këtë po e deklarojmë pas urdhrit që është bërë nga prokuroria, respektivisht nga prokurori përgjegjës. Është identifikuar nga familjarët e rastit në pranimin e mjekut kujdestar”, ka thënë Thaqi.
Thaqi ka thënë se sipas konsultimeve në institut është formuar edhe një komision treanëtaresh për kryerjen e autopsisë, i përbërë nga ekspertët mjekoligjorë.
Ai ka thënë se pas autopsisë trupi do t’u dorëzohet familjarëve.
“Realisht për shkak të ndjeshmërisë së rastit dhe rrethanave, në konsultim edhe me drejtorin e përgjithshëm kemi formuar një komision treantarësh prej ekspertëve mjekoligjorë, që do të kryejnë autopsinë që do të fillojë rreth orës 13:00 në prani të prokurorit dhe familjarëve. Raporti i autopsisë varet, trupi i pajetë pas autopsisë do t’u dorëzohet familjarëve”, ka thënë ai
Burimi informacionit @Gazeta Shqiptare Online: Lexo me shume ne :bota sot www.botasot.co