![Kompozitori Zef Çoba pret kryeministrin e Kosovës, i dhuron Kurtit variantin origjinal të ‘N’Xhamadanin Vija Vija’ 2 kompozitori zef coba pret kryeministrin e kosoves i dhuron kurtit variantin origjinal te nxhamadanin vija vija](https://botasot.co/wp-content/uploads/2024/08/kompozitori-zef-coba-pret-kryeministrin-e-kosoves-i-dhuron-kurtit-variantin-origjinal-te-nxhamadanin-vija-vija.jpg)
Me këto tinguj të këngës “N’Xhamadanin Vija Vija” të kthyer në një himn kombëtar, kompozitori i mirënjohur Zef Çoba mirëpriti në shtëpinë e tij studio kryeministrin e Kosovës Albin Kurti. Maestro Çoba tregon se si një takim i para dy muajve mes tyre në 50 vjetorin e artistes Shkurte Fejza ngjalli interesin e kreut të qeverisë së Kosovës.
Biseda mes tyre ishte miqësore, rreth kombit, artit e kulturës. Kompozitori Çoba i dhuroi kryeministrit Kurti variantin origjinal të këngës “N’Xhamadanin Vija Vija”.
Ky takim thotë maestro Çoba duhet të shërbejë si një reflektim për një vëmendje më të shtuar për krijimtarinë artistike mbarëkombëtare. Në fund, nisur nga takimi me kreun e qeverisë së Kosovës, profesor Çoba thotë se drejtuesit e politikës në Shqipëri përkrah tyre duhet të kenë artistët e vërtetë të kombit dhe jo siç ndodh ndonjëherë kur dalin me këngëtarë që prodhimtaria e tyre është tejet e diskutueshme.
Pas takimit në Shkodër me kompozitorin Zef Çoba, kryeministri i Kosovës Albin Kurti në një reagim të tij e falënderoi për kontributin e dhënë në krijimtarinë muzikore kombëtare e cila lidhet ngushtësisht edhe me shqiptarët e Kosovës, aq më tepër në vitet e vështirë të luftës.
[embedded content]
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co