![Zjarri në Malin e Thatë në Pustec/ Bie intensiteti i flakëve, vatrat të veçuara nga njëra-tjetra, po mbahen… 2 zjarri ne malin e thate ne pustec bie intensiteti i flakeve vatrat te vecuara nga njera tjetra po mbahen](https://botasot.co/wp-content/uploads/2024/08/zjarri-ne-malin-e-thate-ne-pustec-bie-intensiteti-i-flakeve-vatrat-te-vecuara-nga-njera-tjetra-po-mbahen.jpg)
Këtë mëngjes ka rënë intensiteti i flakëve. Pas orës 10 të mëngjesit do të shihet më qartë nëse do ketë agravim të situatës apo jo (nga era) e nëse po do ketë ndërhyrje nga ajri.
Gazetarja Lorena Kodra raporton për Balkanweb se vatrat aktualisht janë të veçuara nga njëra-tjetra, teksa po mbahen nën kontroll. Zjarri është në një territor të thyer dhe në një distancë të largët nga zonat e banuara. Prej orës 05:30 të mëngjesit të sotëm të gjitha forcat janë angazhuar në terren.
Në terren ditën e sotme kanë zbritur rreth 70 forca, te shërbimit të MZSH-ve, të Forcave të Armatosura te Repartit Ushtarak Drenovë (Korçë), atyre të Agjencisë Rajonale të Zonave të Mbrojtura, shërbimit pyjor, etj.
E gjithë sfida është që të mos preket bimësia e lartë, forcat po bëjnë të pamundurën për të izoluar flakët dhe ngushtuar perimetrin. Sipërfaqja e djegur deri tani me përafërsi është 200 hektarë, pjesa më e madhe me kullota dhe një pjesë e vogël e sipërfaqes është prekur kurora e gjelbër.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co