Të tjera detaje janë zbardhur për ngjarjen e rëndë në Pogradec. Akuza që hodhi i afërmi i viktimës në lidhje me gjobvëniet dyshohet të jetë motivi që ka çuar Denis Meçen të rrahë për vdekje Egli Progën.
Kjo është edhe njëra nga pistat të cilat po hetohen nga Prokuroria, ndërkohë veprimet hetimore do të mbledhin fakte të tjera për dosjen, ku do të merren dhe dëshmi nga persona që mund të kenë dijeni mbi ngjarjen.
“Ata janë kriminela, njihen në qytetin e Pogradecit si gjobënësa. Na kanë marrë…jam pa fjalë. Drejtësia të zbardhë të vërtetën. Ata janë kriminela të gjithë në bashkëpunim“, thotë i afërmi i Progës.
[embedded content]
Ka dyshime të forta se Eglantin Progës i është kërkuar të dorëzojë xhiron ditore të lokalit te grupi i Denis Meçes i cili sipas të afërmit të viktimës njihet si gjobëvënës. Dyshohet se refuzimi i Progës për dorëzimin e xhiros ka bërë që ndaj tij të ushtrohet dhuna, që çoi në vdekjen tragjike të tij prej goditjeve të marra.
[embedded content]
Policia po heton ndërkohë në disa pista përfshirë edhe atë të gjobëvënies.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
