Akuzat e ngritura përfshijnë Jaswin Sangha, e cila cilësohet “Mbretëresha e Ketaminës”
Pesë persona më në fund përballen me akuza në lidhje me vdekjen e Matthew Perry, raporton AFP, pas zbardhjes së zhvillimeve në rastin e aktorit.
BBC raportoi se autoritetet zbuluan një “rrjet të gjerë kriminal” që furnizonte me ketaminë Perry dhe të tjerë. Hetimi tregoi se kjo organizatë e veçantë përfitoi nga problemet e varësisë së Perry.
Në një konferencë për shtyp të Policisë së Los Anxhelosit u njoftua se pesë persona përballen me akuza në lidhje me vdekjen e aktorit Matthew Perry.
Kujtohet se aktori u gjet pa ndjenja në shtëpinë e tij në Los Angeles në tetor të vitit të kaluar.
Kush akuzohen?
Aktakuza e lëshuar nga Departamenti i Drejtësisë përfshin Jaswin Sangha, e cilësuar si “Mbretëresha e Ketaminës” dhe Dr. Salvador Placentia si të pandehur në vdekjen e Perry. Akuza janë ngritur gjithashtu kundër një mjeku, Mark Chavez , ndihmësit të Perry, Kenneth Iwamasa , dhe një personi tjetër, Eric Fleming.
Siç raporton Sky News në lidhje me detajet e dosjes së çështjes, një nga mjekët e akuzuar për vdekjen e Matthew Perry nga ketamina ka shkruar në një mesazh: “Pyes veten se sa do të paguajë ky idiot”.
Mesazhi u dërgua nga Salvador Placentia, një mjek i njohur gjithashtu si “Dr. P”, i cili është një nga pesë të pandehurit në lidhje me vdekjen e aktorit. Të pandehurit e tjerë përfshijnë Jaswin Shanga, e njohur si “Mbretëresha e Ketaminës”, Kenneth Iwamasa, asistenti personal i Perry, Eric Fleming, një i njohur i yllit televiziv.
Detajet e akuzave ndaj pesë të arrestuarve
Jasveen Sangha, e njohur edhe si “Mbretëresha e Ketaminës”: Ajo akuzohet për shpërndarje të ketaminës, mbajtje lokalesh në lidhje me drogën, posedim me qëllim për të shpërndarë metamfetamin, posedim me qëllim për të shpërndarë ketaminë dhe pesë akuza të tjera të shpërndarjes së ketaminës.
Dr. Salvador Plasencia: I akuzuar për shpërndarjen e ketaminës, ndryshimin dhe falsifikimin e dokumenteve ose të dhënave në lidhje me një hetim federal.
Eric Fleming: U deklarua fajtor për shpërndarjen e ketaminës dhe një akuzë për shpërndarjen e ketaminës që rezultoi në vdekje. Në dokumentet e gjykatës, Fleming pranoi trafikimin e ketaminës që shkaktoi vdekjen e Perry-t dhe se kishte marrë ketaminë nga burimi i tij, Sangha, duke shpërndarë 50 shishe ketamine tek asistenti personal i Perry-t, Kenneth Iwamasa, gjysma e të cilave katër ditë para vdekjes së Perry-t.
Kenneth Iwamasa: Asistenti personal i Perry, i cili komplotoi me Sangha, Fleming dhe Plasencia për të blerë dhe shpërndarë ilegalisht ketaminë tek Perry. Ai u deklarua fajtor për një akuzë të komplotit për shpërndarjen e ketaminës duke shkaktuar vdekjen dhe pranoi se i kishte administruar vazhdimisht ketaminë Perry-t pa trajnim mjekësor, duke përfshirë injeksione të shumta në ditën e vdekjes së tij.
Dr. Mark Chavez: Mjeku që pranoi të deklarohej fajtor për një akuzë të komplotit për shpërndarjen e ketaminës. Në marrëveshjen e tij për pranimin e fajësisë, ai pranoi se i shiste ketaminë Plasencia-s, përfshirë ketaminë që ishte hequr nga klinika e tij e mëparshme.
Marrëdhëniet e personave të përfshirë
Autoritetet Matthew Perry thonë se midis shtatorit dhe tetorit 2023, Perry bleu 20 shishe me ketaminë me vlerë 55,000 dollarë.
Këto blerje çuan Dr. Placentia, një nga të pandehurit për vdekjen e Perry, për të shkruar në një mesazh: “Pyes veten se sa do të paguajë ky idiot”, duke iu referuar aktorit. Hetuesit thonë se Placentia shkruante në mesazhe se ai dëshironte të ishte “furnizuesi i preferuar i drogës” i Perry.
Autoritetet shpjegojnë se si mjek, Placentia i dinte rreziqet e barnave që po administronte dhe madje kishte parë Perry të “ngrihej” dhe presioni i tij i gjakut të rritej gjatë administrimit të ilaçeve në një rast. Megjithatë, autoritetet thonë se mjeku la shishe me ilaçin që t’i administronte asistenti i tij.
Autoritetet gjetën “stash ketamine”
Martin Strada, Prokurori i SHBA për Qarkun Qendror të Kalifornisë, tha se autoritetet kanë zbuluar një lloj “depoje komerciale droge”. Gjatë kontrollit u gjetën 80 shishe me ketaminë, si dhe kokainë dhe pilula.
Të dyshuarit përdorën gjuhë të koduar dhe u përpoqën të “fshehnin” veprimet e tyre pas vdekjes së Perry-t
Autoritetet thonë se të pandehurit përdornin gjuhë të koduar në komunikimet e tyre, duke e quajtur ketaminë me emra të tillë si “Dr. Piper”, ose “shishe” dhe “kanaçe”.
Hetuesit përshkruajnë “mbulimin” që ata pretendojnë se të dyshuarit u përpoqën të zbatonin pasi u shfaqën raportet për vdekjen e Perry. Sipas autoriteteve, Sangha i dërgoi mesazh njërit prej të dyshuarve duke i kërkuar që të “fshinte të gjitha mesazhet tona”, ndërsa Dr. Plasencia dyshohet se “falsifikoi” të dhënat mjekësore në mënyrë që t’i bënte ilaçet të duken të ligjshme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
