![Tubimi për vrasjen e Egli Progës në Tiranë, policia: Ja rrugët që do të bllokohen 2 tubimi per vrasjen e egli proges ne tirane policia ja rruget qe do te bllokohen](https://botasot.co/wp-content/uploads/2024/08/tubimi-per-vrasjen-e-egli-proges-ne-tirane-policia-ja-rruget-qe-do-te-bllokohen.webp)
Policia në Tiranë njofton se për shkak të zhvillimit të tubimit për vrasjen e Egli Progës në kryeqytet, do të bllokohen disa akse rrugore.
Siç bëhet me dije në njoftim, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve. Policia rendit edhe rrugët kryesore në kryeqytet, që do bllokohen gjatë tubimit.
“Për shkak të zhvillimit të një tubimi ditën e sotme në orën 19:30, parashikuar për t’u zhvilluar nga sheshi “Skënderbej” deri te Kryeministria, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Njoftojmë qytetarët se sot, prej orës 19:30 e deri në përfundim, do të ketë bllokim të përkohshëm të qarkullimit të mjeteve, në bulevardin “Dëshmorët e Kombit”, segmenti i rrugës “Myslym Shyri” nga Gjykata e Lartë deri në bulevardin “Dëshmorët e Kombit”.
Policia apelon për të gjithë qytetarët që të shmangin lëvizjen në këto akse rrugore dhe të përdorin rrugët “Ibrahim Rugova” dhe “Papa Gjon Pali” si rrugë alternative, deri në përfundim të tubimit”, njofton policia.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co