![Vajza gjen të vrarë në banesë babain, dyshimet e para 2 vajza gjen te vrare ne banese babain dyshimet e para](https://botasot.co/wp-content/uploads/2024/08/vajza-gjen-te-vrare-ne-banese-babain-dyshimet-e-para.jpg)
Një vrasje ka ndodhur në Mirditë, ku një 68-vjeçar raportohet se është qëlluar me armë zjarri në shtëpinë e tij. Viktima u gjet i pajetë në banesë nga vajza, e cila më pas njoftoi policinë.
Gazetari Igli Çelmeta raporton për Balkanweb se nga këqyrja paraprake e vendit të ngjarjes dyshohet se 68-vjeçari është qëlluar me armë zjarri, nga dritarja e dhomës ku flinte, dhe si pasojë ka humbur jetën.
Njoftimi zyrtar nga Policia
Më datë 20.08.2024, shtetasja L. R. ka njoftuar Policinë se ka gjetur të pajetë babanë e saj, shtetasin F. R., 68 vjeç, në banesën e familjes në fshatin Lajthizë, njësia administrative Orosh, ku 68-vjeçari kalonte muajt e verës. Prej 2 ditësh ai kishte humbur kontaktet me familjarët.
Menjëherë drejt vendit të ngjarjes janë nisur shërbimet e Policisë vendore dhe grupi i posaçëm hetimor.
Nga këqyrja paraprake e vendit të ngjarjes dyshohet se 68-vjeçari është qëlluar me armë zjarri, nga dritarja e dhomës ku flinte, dhe si pasojë ka humbur jetën.
Deri në këto momente janë shoqëruar në Komisariat, për veprime të mëtejshme, disa shtetas, banorë të këtij fshati.
Në drejtimin e Prokurorisë, po kryhen hetime intensive për të identifikuar dhe kapur autorin/ët e rastit si dhe për të zbardhur rrethanat
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co