![“Unë dhe Harris nuk e kemi bërë kurrë”, Biden: Trump përulet para diktatorëve si Putini 2 une dhe harris nuk e kemi bere kurre biden trump perulet para diktatoreve si putini](https://botasot.co/wp-content/uploads/2024/08/une-dhe-harris-nuk-e-kemi-bere-kurre-biden-trump-perulet-para-diktatoreve-si-putini.jpg)
Presidenti amerikan Joe Biden ka akuzuar paraardhësin e tij, Donald Trump, se nuk është i përshtatshëm për rolin e komandantit të përgjithshëm, duke u shpreh se ai ‘përulet para diktatorëve’.
Presidenti në largim foli në Konventën Kombëtare Demokratike në Çikago të hënën për t’i nxitur votuesit të mbështesin kandidaturën e Zëvendës Presidentes Kamala Harris në zgjedhjet e nëntorit. Muajin e kaluar, ai u detyrua që të largohej nga gara pas një debati katastrofik kundër Trump.
“Asnjë komandant i përgjithshëm nuk duhet të përkulet kurrë para një diktatori ashtu siç Trump i përkulet Putinit. Unë kurrë nuk e kam bërë, dhe ju premtoj, Kamala Haris nuk do ta bëjë kurrë këtë”, tha ai.
Trump u shkëput nga politika e paraardhësit të tij demokrat, Barack Obama, duke ndezur dritën jeshile për dërgimin e ndihmës ushtarake në Ukrainë, duke nxitur tensionet me Rusinë mbi synimin e NATO-s për ta bërë Ukrainën një anëtare të bllokut të udhëhequr nga SHBA. Në vitin 2021, Moska propozoi ngrirjen e zgjerimit të NATO-s për të adresuar shqetësimet e saj, por Uashingtoni i tha se nuk mund të diktojë se kush i bashkohet organizatës.
Kandidati republikan tani pretendon se ai mund t’i japë fund armiqësive të vazhdueshme midis Rusisë dhe Ukrainës, të cilat shpërthyen në shkurt 2022.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co