![Gjermania mohon spekulimet, Scholz: Nuk do të ndërpresim mbështetjen për Ukrainën 2 gjermania mohon spekulimet scholz nuk do te nderpresim mbeshtetjen per ukrainen](https://botasot.co/wp-content/uploads/2024/08/gjermania-mohon-spekulimet-scholz-nuk-do-te-nderpresim-mbeshtetjen-per-ukrainen.jpg)
Kancelari gjerman Olaf Scholz ka hedhur poshtë spekulimet se Berlini planifikon të shkurtojë mbështetjen për Ukrainën. Ai ka bërë një deklaratë për këtë në një intervistë për kanalin televiziv Sat.1.
Scholz u zotua se “asgjë” nuk mund të shkatërrojë premtimet e Gjermanisë për të ofruar mbështetje për Kievin. Gjithashtu, ai u shpreh se i duket i habitshëm debati aktual nëse Berlini synon të shkurtojë mbështetjen ushtarake për Kievin. Scholz kujtoi se qeveria gjermane planifikoi të ndajë 4 miliardë euro ndihmë ushtarake për Kievin vitin e ardhshëm – më shumë se çdo vend tjetër evropian.
Përveç kësaj, sipas vendimit të G7, Ukraina do të marrë një kredi prej 50 miliardë euro, interesi i së cilës do të financohet me të ardhurat nga asetet e ngrira ruse. Kjo, siç vuri në dukje Scholz, do t’i lejojë Ukrainës të blejë armët e nevojshme.
Frankfurter Allgemeine Sonntagszeitung raportoi më 17 gusht se Gjermania do të kufizonte ndihmën ushtarake për Ukrainën sepse, sipas planifikimit aktual të buxhetit, tani nuk ka më fonde në dispozicion për këtë qëllim. Gjermania është furnizuesi i dytë më i madh i Ukrainës me armë pas SHBA-së.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co