![VIDEO/ Me snajper në krahë dhe të armatosur, Policia zbulon çfarë ndodhi gjatë kontrollit për kanabis në “Bjeshkën e Parusë”! Momenti kur qëllohet me armë 2 video me snajper ne krahe dhe te armatosur policia zbulon cfare ndodhi gjate kontrollit per kanabis ne bjeshken e paruse momenti kur qellohet me arme](https://botasot.co/wp-content/uploads/2024/08/video-me-snajper-ne-krahe-dhe-te-armatosur-policia-zbulon-cfare-ndodhi-gjate-kontrollit-per-kanabis-ne-bjeshken-e-paruse-momenti-kur-qellohet-me-arme.jpg)
Policia e Shtetit ka publikuar pamjet nga kontrollit për kanabis në “Bjeshkën e Parusë”, ku persona të paidentifikuar qëlluan me armë teksa efektivët që po merrnin pjesë në aksion.
Siç shihet edhe nga pamjet, Forca e Posaçme “Shqiponja”, dhe forca të tjera të policisë Shkodër kanë ndërhyrë në zonë të armatosur dhe me snajper në krahë, për të lokalizizuar autorët, ndërsa në sfond dëgjohen sërish të shtëna arme.
Po ashtu, në zonë u dëguar Forcat Kombëtare të Sigurisë Njësia Shkodër dhe grupe speciale të RENEA-s me helikopter.
Malësi e Madhe/Informacion paraprak
Rreth orës 10:00, në vendin e quajtur “Bjeshka e Parus”, shtetas ende të paidentifikuar kanë qëlluar në ajër, me armë zjarri, kur kanë parë shërbimet e Policisë të cilat po kryenin kontroll të territorit në njësinë administrative Shkrel, për parandalimin, evidentimin dhe goditjen e kultivimit të bimëve narkotike.
Menjëherë në ndihmë të Policisë vendore janë nisur forcat operacionale të Drejtorisë Vendore të Policisë Shkodër dhe Forca e Posaçme “Shqiponja”, në drejtimin e Drejtorit të Drejtorisë Vendore të Policisë Shkodër.
Me urdhër të Drejtorit të Përgjithshëm të Policisë së Shtetit, po në ndihmë të Policisë vendore, u dëguan Forcat Kombëtare të Sigurisë Njësia Shkodër dhe grupe speciale të RENEA-s me helikopter.
Forcat operacionale në terren, përkundrejt asgjësimit dhe shkatërrimit të bimëve narkotike, vazhdojnë operacionin për lokalizimin dhe kapjen e autorëve të qëllimit me armë zjarri.
Ndërkohë grupi hetimor, në drejtimin e Prokurorisë, po vijon veprimet për sigurimin e provave me qëllim dokumentimin ligjor të rastit
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co