![Prag edicioni i ri/ Departamenti i Arbitrimit në FSHF përmbyll me sukses testet fizik dhe seminarin teorik me arbitrat & asistentët e Kategorisë së Parë 2 prag edicioni i ri departamenti i arbitrimit ne fshf permbyll me sukses testet fizik dhe seminarin teorik me arbitrat asistentet e kategorise se pare](https://botasot.co/wp-content/uploads/2024/08/prag-edicioni-i-ri-departamenti-i-arbitrimit-ne-fshf-permbyll-me-sukses-testet-fizik-dhe-seminarin-teorik-me-arbitrat-asistentet-e-kategorise-se-pare.jpg)
Sezoni i ri i kampionatit Kategoria e Parë 2024-2025 do të ngrejë siparin të shtunën, ku do të luhen të gjitha takimet e javës së parë. Në prag të fillimit të edicioni të ri, Departamenti i Arbitrimit në Federatën Shqiptare të Futbollit përmbylli me sukses seminarin teorik dhe testet fizike për arbitrat dhe asistentët e Kategorisë së Parë.
Pasditen e së mërkurës, arbitrat dhe asistentët iu nënshtruan testeve fizike në ambientet e “Shtëpisë së Futbollit”, me rezultatet që ishin shumë të mira dhe të gjithë shfaqën gjendje optimale para nisjes të edicionin të ri futbollistik.
Të enjten, arbitrat dhe asistentët e Kategorisë së Parë vijuan me seminarin, ku fillimisht iu nënshtruan video – testit teorik. Më pas gjatë seminarit u diskutuan aspekte të ndryshme të arbitrimit, rregullorja e lojës si edhe prekjet me dorë. Disa nga çështjet kryesore ishin edhe komunikimi Var – arbitër dhe kapiten – arbitër.
Gjatë seminarit arbitrat dhe asistentët patën mundësi të shkëmbenin vazhdimisht mendime për temat që u diskutuan, si edhe për problematikat e hasura gjatë sezonit të fundit.
Të gjashtë ndeshjet e javës së parë; Vora-Apolonia, Kukësi-Erzeni, Flamurtari-Burreli, Valbona-Besa, Korabi-Lushnja dhe Pogradeci-Kastrioti do të luhen të shtunën në të njëjtën orë, 17:00.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co