![Vizita e drejtorit të CIA-s Burns në Ballkan, Hoxhaj: SHBA nuk dëshiron influencë ruse në zgjedhjet amerikane. Uashingtoni do stabilitet në rajon 2 vizita e drejtorit te cia s burns ne ballkan hoxhaj shba nuk deshiron influence ruse ne zgjedhjet amerikane uashingtoni do stabilitet ne rajon](https://botasot.co/wp-content/uploads/2024/08/vizita-e-drejtorit-te-cia-s-burns-ne-ballkan-hoxhaj-shba-nuk-deshiron-influence-ruse-ne-zgjedhjet-amerikane-uashingtoni-do-stabilitet-ne-rajon.jpg)
Andi Hoxhaj, profesor në University College of London, në një intervistë me Skype në News 24 në rubrikën Çështja e Ditës nga Renaldo Salianji komentoi vizitën e drejtorit të CIA-s Uilliam Burns në vendet ballkanike.
Hoxhaj tha se Shtetet e Bashkuara të Amerikës nuk dëshirojnë influencë ruse në zgjedhjet amerikane. Ai tha se Uashingtoni dëshiron gjithashtu stabilitet në Ballkanin Perëndimor.
Andi Hoxhaj, profesor në University College of London: Kjo vizitë e shefit të CIA-s amerikane në Ballkan ka shumë rëndësi. Jo më kot, Burn ka zgjedhur tre nga vendet që janë nga më problematiket në Balllkanin Perëndimor për sigurinë e brendshme dhe përplasjet që kanë pasur shpesh herë. Vizita kryesore ishte në Bosnjë dhe fjala kryesore ka qenë që SHBA mbështesin territorialitetin e Bosnjës dhe Republika Sërpska nuk mund të ndahet. Pjesë e debatit besoj se ka qenë influenca ruse.
SHBA nuk dëshiron influencë ruse në zgjedhjet amerikane. Burns e njeh shumë mirë influencën ruse në Serbi, në Bosnje e në veriun e Kosovës. SHBA nuk duan tjetër vatër ruse, siç ka ndodhur në Ukrainë. SHBA e sheh shumë mirë se situata po zien më tepër në Bosnjë e Herzegovinë dhe do të ndalojë ndonjë përshkallëzim.
(balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co