Sundimtarët talebanë të Afganistanit kanë prezantuar një sërë ligjesh të reja strikte që rregullojnë sjelljen e grave në publik, duke përfshirë ndalimin e zërit të grave dhe fytyrave të zhveshura.
Ligjet, të miratuara nga Udhëheqësi Suprem Hibatullah Akhundzada, synojnë “të luftojnë vesin dhe të promovojnë virtytin”.
Ministria publikoi të mërkurën ligjet e veseve dhe virtyteve që mbulojnë aspekte të jetës së përditshme si transporti publik, muzika, rruajtja dhe festimet.
Ato janë paraqitur në një dokument prej 114 faqesh dhe 35 artikujsh dhe janë deklarata e parë zyrtare e ligjeve të veseve dhe virtytit në Afganistan që nga marrja e pushtetit.
Neni 13 lidhet me gratë. Ai thotë se është e detyrueshme që një grua të mbulojë trupin e saj gjatë gjithë kohës që ndodhet në publik dhe se mbulimi i fytyrës është thelbësor për të shmangur tundimin e të tjerëve. Veshja nuk duhet të jetë e hollë, e ngushtë ose e shkurtër.
Gratë janë të detyruara të mbulohen para meshkujve dhe femrave për të mos u korruptuar. Zëri i një gruaje konsiderohet intim dhe kështu nuk duhet të dëgjohet duke kënduar, duke recituar poezi ose duke lexuar me zë të lartë në publik. Është e ndaluar për gratë të shikojnë burrat me të cilët nuk kanë lidhje gjaku apo martese dhe anasjelltas.
Neni 17 ndalon publikimin e imazheve të qenieve të gjalla, gjë që kërcënon një peizazh mediatik afgan tashmë të brishtë.
Neni 19 ndalon luajtjen e muzikës, transportimin e udhëtareve të vetme femra dhe përzierjen e burrave dhe grave që nuk kanë lidhje me njëri-tjetrin. Ligji gjithashtu i detyron pasagjerët dhe shoferët që të falin namazin në oraret e caktuara.
OKB-ja ka shprehur shqetësimin për zgjerimin e rolit të Ministrisë për Përhapjen e Virtytit dhe Parandalimin e Veseve, duke thënë se kjo po kontribuon në një klimë frike dhe frikësimi midis afganëve.
Fiona Frazer, kreu i shërbimit të të drejtave të njeriut në misionin e OKB-së në Afganistan, tha: “Pozicioni i shprehur nga autoritetet de fakto se kjo mbikëqyrje do të rritet dhe zgjerohet, jep arsye për shqetësim të madh për të gjithë afganët, veçanërisht gratë dhe vajzat.”
Talibanët morën pushtetin në Afganistan në vitin 2021 dhe që atëherë kanë futur një sërë kufizimesh për të drejtat dhe liritë e grave. Ligjet e reja janë deklarata e parë zyrtare e ligjeve të vesit dhe virtytit në Afganistan që nga marrja e pushtetit.
(A.A/BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
